DOI: https://doi.org/10.36719/2706-6185/53/141-145
Əfsanə Qaragözlü
Bakı Qızlar Universiteti
magistrant
https://orcid.org/0009-0001-5557-7734
efsaneqaragozlu@gmail.com
Şagirdlərdə milli-mənəvi dəyərlərin formalaşmasında
əsas pedaqoji istiqamətlər
Xülasə
Araşdırma göstərir ki, şagirdlərdə milli-mənəvi dəyərlərin formalaşdırılması müasir təhsil sisteminin əsas pedaqoji prioritet problemlərindən biridir. Bu prosesin effektivliyi müəllimin peşəkarlığı, pedaqoji mədəniyyəti, şəxsi nümunəsi və tətbiq olunan tərbiyə texnologiyalarından birbaşa asılıdır. Araşdırmanın məqsədi şagirdlərdə milli-mənəvi dəyərlərin formalaşmasına təsir edən əsas pedaqoji istiqamətləri müəyyənləşdirmək, bu istiqamətlərin təhsildə tətbiq mexanizmlərini təhlil etmək və müəllimlərin fəaliyyəti üçün səmərəli tərbiyə metodları hazırlamaqdan ibarətdir. Araşdırmalar göstərir ki, müəllim fəaliyyətinin səmərəliliyi ilk növbədə pedaqoji və peşəkar istiqamətlərin düzgün müəyyənləşdirilib tətbiq olunmasından asılıdır.
Açar sözlər: şagird, milli-mənəvi dəyərlər, pedaqoji istiqamətlər, tərbiyə, müəllim fəaliyyəti, vətənpərvərlik, təhsil sistemi