Sosial xidmət sahəsində qeyri-hökumət təşkilatlarının  fəaliyyət perspektivləri

Bu gün vətəndaş cəmiyyəti təşkilatlarının istər ölkəmizdə, istərsə də dünyada getdikcə əhəmiyyət kəsb edən və təsir dairəsini genişləndirən funksiyası var. Vətəndaş cəmiyyəti təşkilatları, qeyri-hökumət təşkilatları və üçüncü sektor kimi müxtəlif adlarla tanınan, müəyyən bir qrupun sosial problemlərinə diqqət yetirən və həll yollarını inkişaf etdirməyə çalışan bu təşkilatlar hər cəmiyyətin milli və regional problemlərinə uyğun formada fəaliyyət funksiyalarına malikdir. Sosial problemlərə diqqət yetirən və sosial iş və xidməti yerinə yetirən vətəndaş cəmiyyəti təşkilatları sosial rifah dövlətinə nail olmaq üçün çox vacibdir. Eyni zamanda vətəndaş cəmiyyəti təşkilatları ixtisaslaşmış, peşəkar kadrlarla öz məqsədlərinə doğru daha stabil, planlı və dəqiq şəkildə irəliləyə bilir və dövlətin kifayət qədər diqqət göstərmədiyi sahələrə maraq çəkir. Bununla yanaşı, cəmiyyətin sosial problemlərinin həlli ilə bağlı olan ən vacib elementlərdən biri ixtisaslı və peşəkar mütəxəssislərin olmasıdır ki, bu da vətəndaş cəmiyyəti təşkilatlarımız üçün əhəmiyyət qazanmışdır. Vətəndaş cəmiyyəti təşkilatları ixtisaslı işçi qüvvəsinə malik olduqda və onları saxladıqda uzunmüddətli və davamlı təşkilati həyata nail ola bilərlər.

Bununla belə, ölkəmizdə QHT-lərə xidmətləri yerinə yetirən peşəkar müəssisələr kimi deyil, asudə vaxtın keçirildiyi məkan və əlavə qazanc yeri kimi baxıldığından, sosial problemlərin doğru-düzgün həlli, təəssüf ki, problem olaraq qalır. QHT-lərin fəaliyyətinə dair aparılan tədqiqatlar sosial işlə sıx bağlıdır. Bu tədqiqat sosial iş və xidmətin yerinə yetirilməsində vətəndaş cəmiyyəti təşkilatları arasındakı əlaqəni və onların bu sahədə peşəkarlıq vəziyyətini nəzərdən keçirəcəkdir.

Açar sözlər: sosial xidmət, qeyri-hökumət təşkilatı, ixtisaslaşma, planlama, peşəkarlıq

MƏQALƏNİ YÜKLƏ

Onlayn bax

Baxış: 721