DOI: https://doi.org/10.36719/2789-6919/52/82-88
Əli Heydərzadəh
Azərbaycan Dövlət İqtisad Universiteti
magistrant
https://orcid.org/0009-0003-4716-0175
heyderzadeali45@gmail.com
Start Up və rəqəmsal biznes modellərində strateji
idarəetmə mühasibat uçotu
Xülasə
Bu məqalədə rəqəmsal transformasiya dövründə strateji idarəetmə uçotunun dəyişən funksiyası araşdırılır. Rəqəmsal texnologiyaların sürətli inkişafı nəticəsində biznes mühitinin köklü şəkildə dəyişdiyi vurğulanır və ənənəvi uçot metodlarının artıq kifayət etmədiyi qeyd olunur. Strateji idarəetmə uçotunun daxili nəzarət və xərc ölçmələrindən kənara çıxaraq biznesin rəqabət qabiliyyətinə, innovasiya potensialına və uzunmüddətli qərarvermə prosesinə birbaşa təsir göstərdiyi bildirilir. Rəqəmsal iqtisadiyyatın uçot məlumatlarının sürətini və həcmini artırdığı qeyd olunur. Big data, süni intellekt, ERP sistemləri və blokçeyn kimi texnologiyalar vasitəsilə müəssisələrə daha dəqiq analiz aparmaq, bazar tendensiyalarını müəyyənləşdirmək və daha çevik strategiyalar formalaşdırmaq imkanı verildiyi göstərilir. Startapların və rəqəmsal biznes modellərinin yüksək rəqabətli mühitdə fəaliyyət göstərdiyi və daha çevik idarəetmə mexanizmlərinə ehtiyac duyduğu üçün bu texnologiyaların tətbiqinin onlar üçün xüsusilə vacib hesab edildiyi vurğulanır. Bununla yanaşı, rəqəmsallaşma prosesində dəyişikliklərə qarşı müqavimətin yarandığı, infrastrukturun çatışmadığı və insan resurslarının hazırlığının yetərli olmadığı kimi problemlərin də meydana çıxdığı qeyd olunur.
Açar sözlər: startaplar, rəqəmsal texnologiyalar, biznes modelləri, strateji idarəetmə, strateji idarəetmə uçotu