DOI: https://doi.org/10.36719/2706-6185/46/290-293
Zümrüd Qasımova
Azərbaycan Dövlət Neft və Sənaye Universiteti
https://orcid.org/0009-0001-3458-7941
zumrud.vahid@mail.ru
Süni intellektin ədəbiyyata təsiri: inkişaf, inteqrasiya və etik istiqamətlər
Xülasə
Son illərdə süni intellektin müxtəlif sahələrə inteqrasiyası sürətlə artmaqdadır. Belə sahələrdən biri də ingilis ədəbiyyatıdır. Süni intellekt sürətlə inkişaf edən bir sahə olduğu üçün ədəbiyyat dünyasına əhəmiyyətli təsir göstərir. Bu məqalə süni intellektin ingilis ədəbiyyatında çoxistiqamətli rolunu təhlil edir, onun ədəbi əsərlərin yaradılması, təhlili və şərhindəki tətbiqlərini araşdırır. Tədqiqat həmçinin ədəbiyyatda süni intellektin istifadəsinin etik təsirlərini, yazıçıların və oxucuların roluna olan təsirini araşdırır. Bu konteksdə, süni intellekt həm ədəbi əsərlərin təhlili, həm də yaradılmasında istifadə olunur. Təqdim olunmuş məqalə süni intellektin ingilis ədəbiyyatına təsirini təhlil edir, onun müxtəlif tətbiqlərini və belə inteqrasiyanın üstünlüklərini və mənfi cəhətlərini müzakirə edir. Həmçinin, süni intellektlə yaradılmış ədəbi əsərlərlə bağlı etik narahatlıqlar və insan yaradıcılığı ilə texnoloji inkişaflar arasında tarazlığın qorunmasının vacibliyi vurğulanır, texnoloji inkişaflara açıq yanaşmanın və insan yaradıcılığını qorumağın əhəmiyyəti qeyd olunur. Bu aspektləri araşdırmaqla, tədqiqat süni intellektin ingilis ədəbiyyatına olan transformasiyaedici təsirlərini daha dərindən anlamağa kömək edir.
Açar sözlər: süni intellekt, ədəbiyyat, insan fəaliyyəti, inteqrasiya, ədəbi təhlil