DOI: https://doi.org/10.36719/2789-6919/44/205-208
Nazilə Rəhimova
Azərbaycan Dövlət Neft və Sənaye Universiteti
https://orcid.org/0000-0002-0942-7882
ragimova.n.a@gmail.com
Rəhilə Salamova
Azərbaycan Dövlət Neft və Sənaye Universiteti
magistrant
https://orcid.org/0009-0008-7599-6291
rehileshefiyeva95@gmail.com
Süni intellektin kiber təhlükəsizlikdə tətbiqi və riskləri
Xülasə
Son illərdə süni intellekt (SI) texnologiyalarının sürətli inkişafı, müxtəlif sahələrdə olduğu kimi, kiber təhlükəsizlik sahəsində də yeni imkanlar yaratmışdır. Süni intellektin kiber təhlükəsizlik sahəsində istifadəsi, şəbəkə hücumları, zərərli proqramlar və digər kiber təhlükəsizlik təhdidlərinə qarşı daha effektiv və sürətli mübarizə aparmağa imkan verir. SI sistemləri şəbəkə trafiki və istifadəçi davranışlarını analiz edərək anomaliyaları və potensial təhlükələri real vaxtda aşkar edə bilir, bu da mühafizə tədbirlərinin vaxtında görülməsini təmin edir. Eyni zamanda, məlumatların təhlilini sürətləndirərək daha düzgün və dəqiq təhlükəsizlik həlləri təklif edir.
Bununla belə, süni intellektin kiber təhlükəsizlikdə tətbiqi bəzən müəyyən risklər və problemlər də yaradır. SI sistemlərinin doğru məlumatlarla təlimi vacibdir, çünki səhv və qeyri-dəqiq məlumatlar nəticəsində yanlış qərarlar qəbul oluna bilər. Həmçinin, süni intellektin özü də kiber hücumların bir aləti olaraq istifadə edilə bilər. Hakerlər, bu texnologiyanı manipulyasiya edərək mühafizə tədbirlərini aşmağa cəhd edə bilərlər. Bu səbəbdən, süni intellektin kiber təhlükəsizlikdə istifadəsi zamanı onun təhlükəsizliyini təmin edən xüsusi müdafiə mexanizmlərinin tətbiqi vacibdir.
Məqalə, süni intellektin kibertəhlükəsizlik sahəsində tətbiqini, faydalarını və qarşıya çıxa biləcək riskləri araşdırır. Eyni zamanda, süni intellektin effektiv və təhlükəsiz istifadəsi üçün müvafiq tədbirlərin görülməsi və risklərin idarə edilməsi məsələlərini müzakirə edir. Gələcəkdə, süni intellektin inkişafı ilə yanaşı, onun kibertəhlükəsizlik sahəsində istifadəsinin daha təhlükəsiz hala gətirilməsi üçün yeni metodların tətbiqi və davamlı monitorinqin həyata keçirilməsi çox mühüm əhəmiyyət kəsb edəcəkdir.
Açar sözlər : Süni intellekt, kibertəhlükəsizlik, risklər, haker hücumları, zərərli proqramlar, maşın öyrənmə, kiberhücumlar