DOI: https://doi.org/10.36719/2789-6919/53/137-142
Aynurə Ələkbərova
Bakı Mühəndislik Universiteti
https://orcid.org/0009-0002-5443-1255
aelekberova@beu.edu.az
Süni intellektin potensialı və təhlükələri
Xülasə
Məqalədə ənənəvi süni intellektdən (Sİ) generativ süni intellektə keçid mərhələləri qısa şəkildə şərh olunur. Generativ Sİ-in insanlara verdiyi bir çox faydalarla yanaşı, onun yaratdığı təhlükələrdən də bəhs olunur. Eləcə də göstərilir ki, Sİ-in proqnozlaşdırma imkanları yaxşılaşdıqca, sərvətin və təsirin bölüşdürülməsi mühakimə keyfiyyətindən getdikcə daha çox asılı olacaqdır. Yüksək və aşağı ixtisaslı işçilər arasındakı fərqin, işin proqnozlaşdırıcı aspekti ilə müəyyən edildiyi sahələrdə Sİ daha aşağı ixtisaslı işçilərə fayda verəcək, çünki Sİ proqnozlaşdırmaqda insanları əvəz edə bilər. Bu, müəyyən bir sənayedə işçilər arasında əmək məhsuldarlığında fərqləri və buna görə də gəlir bərabərsizliyini hamarlaşdıracaq və zaman keçdikcə aşağı əmək haqqı olan ölkələrdə, hətta daha aşağı bacarıqlara malik olanlar üçün də əmək haqqının artmasına gətirib çıxaracaqdır.
Açar sözlər: süni intellekt, kompüter, proqram, şəbəkə, proqnozlaşdırma