DOI: https://doi.org/10.36719/2706-6185/63/149-154
Tarixi dönüm nöqtəsi: Ziqetvar döyüşü
Osmanlı hərbi və siyasi tarixində dönüş nöqtəsi:
Ziqetvar mühasirəsi (1566)
Hacı Beytullah Mutlu 
Xülasə. 1566-cı ildəki Ziqetvar mühasirəsi Sultan Süleyman Qanuninin 46 illik hakimiyyətinin yekun gedişi və Osmanlı İmperiyasının XVI əsrdə Qərbi Avropaya yönəlmiş hərbi strategiyalarının zirvə nöqtələrindən biri olmuşdur. Tarixçilər bu yürüşün hərbi, loqistik, sosial-iqtisadi və siyasi aspektlərini fənlərarası yanaşma ilə tədqiq edirlər. Bu tədqiqat qalalar komandanı Nikola Şubiç Zrinskinin müdafiə strategiyası ilə Osmanlı ordusunun mühasirə, istehkam və artilleriya üsullarını müqayisə edərək Ziqetvar mühasirəsinin çoxşaxəli təhlilini təqdim edir. Sultan Süleyman Qanuninin sentyabrın 6-dan 7-nə keçən gecə vəfat etməsi və ordunun mənəvi ruhunu, nizam-intizamını qorumaq üçün Sədrəzəm Söküllü Mehmed Paşa tərəfindən ölümünün gizli saxlanılması erkən müasir dövr
hərbi böhran idarəçiliyinin ən uğurlu nümunələrindən birini təşkil edir. Möhtəşəm türk vəfat edərək dünya tarixini dəyişdi. Ziqetvar yürüşünün Mərkəzi Avropa geo-siyasətinə qısamüddətli və uzunmüddətli təsirləri dövrün Osmanlı salnamələri, Habsburq arxiv sənədləri və müasir tarixçilərin təhlilləri işığında ətraflı şəkildə işıqlandırılır.
Açar sözlər: Ziqetvar mühasirəsi, Sultan Süleyman Qanuni, Osmanlı İmperiyası, Nikola Şubiç Zrinski, Söküllü Mehmed Paşa, hərbi böhran idarəçiliyi, Mərkəzi Avropa geosiyasəti, XVI əsr Osmanlı tarixi