DOI: https://doi.org/10.36719/2663-4619/123/97-100
Kifayət Hüseynova
Bakı Slavyan Universiteti
https://orcid.org/0009-0007-8823-5611
kifayat.dolxanova@yandex.com
Təhsil müəssisələrinin təkmilləşdirilməsində müasir İKT-dən istifadə
Xülasə
Məqalədə təhsil sahəsində informasiya-kommunikasiya texnologiyalarından (bundan sonra – İKT) istifadənin üstünlükləri və çatışmazlıqları təsvir edilmişdir. Müasir təhsil sistemində informasiya kommunikasiya texnologiyaları xüsusi yer tutur. Bir tərəfdən, onlar şagirdlərə materialı daha yaxşı mənimsəməyə kömək edir, çünki vizual məlumat həmişə daha sürətli və asan qəbul edilir. Digər tərəfdən, informasiya texnologiyalarından istifadə ənənəvi tədrisdə müəllimlərin üzərinə düşən yükü azaltmağa kömək edir. Bundan əlavə, proqram metodları təhsil və tərbiyə prosesinin fərdiləşdirilməsinə şərait yaradır. Fəaliyyətlərində İKT-dən istifadə edən təhsil müəssisələrinin bu gün qarşılaşdıqları problemlərin həlli interaktiv təlim sistemini mükəmməlliyə çatdırmağa, tədris prosesini uşaqlar üçün interaktiv texnologiyalardan istifadə etməklə daha sadə və daha əlçatan formada qurmağa imkan verəcəkdir.
Açar sözlər: informasiya-kommunikasiya texnologiyaları, kompüter, elektron kitabxana, təhsil sistemi