DOI: https://doi.org/10.36719/2789-6919/52/89-93
Elnarə Babayeva
Odlar Yurdu Universiteti
magistrant
https://orcid.org/0009-0009-0056-8513
elnarababayeva2000@gmail.com
Təşkilati səmərəliliyin formalaşmasında motivasiya və məqsədlər arasındakı qarşılıqlı təsir
Xülasə
Müasir təşkilatların effektivliyi birbaşa şəkildə kadrların potensialından səmərəli istifadədən asılıdır. Bu baxımdan motivasiya təşkilati nəticələrin yaxşılaşdırılmasında əsas təsir amili kimi qiymətləndirilir. Təşkilatın strateji prioritetləri ilə kadrların şəxsi hədəfləri arasında uyğunluğun təmin edilməsi həm fərdi, həm də kollektiv səviyyədə müsbət nəticələr yaradır. Motivasiya mexanizmi əsasən üç təməl komponent ətrafında qurulur: təşkilat tərəfindən müəyyən edilən strateji hədəflər, kadrların fərdi təlabatları və onların peşəkar fəaliyyətdə göstərdikləri səylər. Bu komponentlər arasında optimal balansın yaradılması təşkilatın uğuruna töhfə verən əsas amildir. İş mühitində peşəkar inkişaf fürsətləri və işdən əldə olunan məmnunluq səviyyəsi motivasiya prosesinə birbaşa təsir göstərir. Səmərəli motivasiya sistemi yalnız kadrların məhsuldarlığının artırılması ilə məhdudlaşmır, həm də təşkilatın davamlı inkişafına şərait yaradır. Müasir biznes şəraitində uğur qazanmaq üçün təşkilati məqsədlərlə fərdi hədəflərin uyğunlaşdırılması prioritet şərt kimi qəbul edilir. Bu uyğunluğun təmin edilməsi strateji planlaşdırma, sistemli yanaşma və davamlı monitorinq tələb edən kompleks proses kimi qiymətləndirilir. Təşkilatların uzunmüddətli uğuru üçün motivasiya mexanizmlərinin daim yenilənməsi və kadrların dəyişən tələblərinə uyğunlaşdırılması zəruri hesab olunur.
Açar sözlər: motivasiya, təşkilati məqsədlər, iş məmnuniyyəti, performans, rəqabət qabiliyyəti, işçi sədaqəti, təşkilati inkişaf