Triple Helix innovasiya ekosistemində rəqabət üstünlüyünün formalaşmasında süni intellektə əsaslanan qiymət strategiyalarının rolu
Fidan Səfərova 
Xülasə. Bu tədqiqat Triple Helix modeli çərçivəsində qiymət strategiyalarının rəqabətqabiliyyətli inkişafa təsirini araşdırır və innovasiyaya əsaslanan iqtisadi artımın təşviq edilməsində dövlət, universitet və sənaye arasında qarşılıqlı əməkdaşlığın rolunu ön plana çıxarır. Müasir bilik iqtisadiyyatında qiymət strategiyaları artıq ənənəvi maya dəyərinə əsaslanan yanaşmaların hüdudlarını aşaraq innovativ məhsul və xidmətlərin kommersiyalaşdırılması, bazarda yayılması və istehlakçılar tərəfindən qəbul edilməsini təmin edən mühüm strateji alətlərə çevrilmişdir. Tədqiqat çərçivəsində dəyər əsaslı qiymətqoyma, dinamik qiymətqoyma və psixoloji qiymətqoyma mexanizmlərinin müəssisələrin bazar mövqeyinin gücləndirilməsi, istehlakçıların dəyər qavrayışının formalaşdırılması və innovasiya fəaliyyətinin səmərəliliyinin artırılmasında rolu təhlil edilmişdir.
Araşdırmada universitetlərin yeni bilik və texnologiyalar yaratdığı, sənayenin həmin elmi nəticələri kommersiya məhsullarına çevirdiyi, dövlətin isə əlverişli hüquqi, institusional və maliyyə mühiti formalaşdırdığı əməkdaşlıq əsaslı innovasiya ekosistemlərinin əhəmiyyəti xüsusi vurğulanır. Bu ekosistem daxilində qiymət qərarları texnologiya transferi proseslərinə, elmi tədqiqat nəticələrinin kommersiyalaşdırılmasına və müəssisələrin uzunmüddətli rəqabət qabiliyyətinin təmin edilməsinə əhəmiyyətli təsir göstərir.
Açar sözlər: Triple Helix modeli, süni intellekt əsaslı qiymət strategiyaları, innovasiyaların kommersiyalaşdırılması, rəqabət üstünlüyü, davamlı iqtisadi inkişaf