https://doi.org/10.36719/2706-6185/43/25-31
Xatirə Hüseynova
Bakı Dövlət Universiteti
filologiya üzrə fəlsəfə doktoru
https://orcid.org/0000-0003-0697-380X
Türk dünyası ortaq media platformaları – üstünlükləri və perspektivləri
Xülasə
Çağdaş dövrdə medianın gücü və onun ötürdüyü informasiyanın ictimai təsiri mübahisə doğura bilməz. Kommunikasiya prosesində doğru məlumatı əldə etmək üçün etibarlı mənbələrə ciddi ehtiyac duyulur. Medianın səmərəli fəaliyyəti auditoriyanı saxta xəbərdən qoruyaraq, dəqiq və qərəzsiz məlumatın ötürülməsinə imkan verir. 44 günlük Vətən müharibəsi dönəmində Azərbaycan həqiqətlərinin dünya ictimaiyyətinə çatdırılmasında Türkiyə mediasının güclü dəstəyi özünü göstərdi. Bütün bunları nəzərə alaraq deyə bilərik ki, böyük Türk tarixinin, mədəniyyətinin, incəsənətinin dünəni, bu günü və sabahı ilə bağlı, Türk coğrafiyasında baş verən ictimai-siyasi hadisələrlə əlaqədar məlumatların əməkdaşlıq çərçivəsində yayımlanması üçün yeni mexanizmlərin yaranması vacibdir. Məqalədə ortaq media platformasının üstünlükləri, informasiya mübadiləsindəki faydası, dezinformasiya ilə birgə mübarizədə səmərəli işin qurulması, mədəni təcrübə mübadiləsində, həmçinin mədəni inteqrasiyada, dilin qorunmasında, təhsil səviyyəsinin yüksəldilməsində rolu araşdırılır, perspektivlər göstərilir.
Açar sözlər: Türk dünyası, ortaq media platforması, ortaq türk mədəniyyəti, mədəni inteqrasiya, dezinformasiya