DOI: https://doi.org/10.36719/2789-6919/47/32-36
Samir Baxşəliyev
Bakı Dövlət Universiteti
tarix üzrə fəlsəfə doktoru
https://orcid.org/0000-0003-4054-2974
baxshaliev81@mail.ru
Azərbaycan diplomatik heyətinin üzvləri Paris Sülh Konfransında
Xülasə
Məqalədə Azərbaycan Xalq Cümhuriyyətinin Paris Sülh Konfransındakı uğurlu diplomatiyası və Cümhuriyyətin digər dövlətlər tərəfindən tanınması barədə məlumatlar öz əksini tapmışdır. Burada hələ 20-ci əsrin əvvəllərində müstəqil dövlətimizin qonşu və qeyri-qonşu dövlətlər tərəfindən tanınması prosesinin çətinliyindən bəhs edilir. Bu məqalədə əsas diqqəti cəlb edən faktlardan biri də Paris Sülh Konfransı zamanı sülh nümayəndə heyətinin qarşılaşdığı problemlərə baxmayaraq, ölkəmizi layiqincə təmsil etməsidir. Məqalədə Azərbaycan Xalq Cümhuriyyətinin xarici siyasəti, Paris Sülh Konfransındakı heyəti barədə də qeydlər var. Əldə edilmiş məlumatlar kitab, dərslik və digər internet resursları vasitəsilə aydınlaşdırılır.
Açar sözlər: Azərbaycan Xalq Cümhuriyyəti, xarici siyasət, sülh konfransı, qonşu dövlətlər, tanınma