DOI: https://doi.org/10.36719/2789-6919/45/140-145
Zəkiyyə Hüseynova
Azərbaycan Respublikasının Prezidenti yanında
Dövlət İdarəçilik Akademiyası
magistrant
https://orcid.org/0009-0002-1928-0869
zakiyyahuseynova551@gmail.com
Azərbaycanda azadlıq hüququnun konstitusiya əsasları
Xülasə
Məqalədə Azərbaycan Respublikasında azadlıq hüququnun konstitusiya-hüquqi tənzimlənməsi və bu hüququn quruluşu araşdırılır. Tədqiqatın məqsədi Konstitusiyada nəzərdə tutulan əsas azadlıq təminatlarını müəyyənləşdirmək və onların beynəlxalq insan hüquqları standartlarına uyğunluğunu təhlil etməkdir.
Elmi yenilik azadlıq hüququnun kompleks hüquqi institut kimi sistemli şəkildə araşdırılmasındadır. Bu instituta şəxsi toxunulmazlıq, hərəkət azadlığı və ayrı-seçkiliyin yolverilməzliyi daxildir. Məqalədə milli və beynəlxalq normaların qarşılıqlı əlaqəsinə, konstitusiya müddəalarının birbaşa tətbiqinə və məhkəmə-institusional müdafiəyə xüsusi diqqət yetirilmişdir. Elmi nəticə: Azərbaycan Respublikasının Konstitusiyası və müvafiq qanunvericilik şəxsi azadlığın qorunması üçün sabit hüquqi çərçivə yaradır. Məqalədə hüququn məhdudlaşdırılması halları, hüquqi prosedur, proporsionallıq prinsipi və fövqəladə hallar zamanı belə istisna olunmayan hüquqların məzmunu geniş şəkildə izah edilir.
Tətbiqi əhəmiyyət: Məqalənin nəticələrindən normativ hüquq yaradıcılığı, konstitusiya məhkəmə təcrübəsi, ombudsman institutunun fəaliyyəti və hüquqşünasların hazırlanmasında tədris materialı kimi istifadə oluna bilər.
Açar sözlər: hüquq, azadlıq, konstitusiya, qanunvericilik, hüquqi prosedur