DOI: https://doi.org/10.36719/2706-6185/53/136-140
Məlahət Aslanova
Azərbaycan Dövlət İqtisad Universiteti
magistrant
https://orcid.org/0009-0007-6102-8006
m.aslanova45@gmail.com
Dropshipping modelinin elektron kommersiyada tətbiqi və effektivliyinin təhlili
Xülasə
Bu məqalədə elektron kommersiyada dropshipping biznes modeli təhlil edilmişdir. Məqalədə modelin mahiyyəti, iş prinsipi, üstünlükləri və məhdudiyyətləri izah olunmuşdur. Həm qlobal, həm də Azərbaycan bazarındakı tətbiq imkanları araşdırılmış, dövlətin elektron ticarəti təşviq edən siyasətləri və logistika imkanlarının rolu vurğulanmışdır. Analiz göstərir ki, dropshipping modeli startaplar və kiçik sahibkarlar üçün aşağı kapital ilə fəaliyyət göstərmək imkanı təqdim edir, riskləri azaldır və məhsul çeşidini artırır. Eyni zamanda, tədarükçü etibarlılığı, çatdırılma gecikmələri və gömrük prosedurları kimi məhdudiyyətlər mövcuddur. Nəticələr göstərir ki, düzgün tədarükçü seçimi, məhsul keyfiyyətinə nəzarət və rəqəmsal marketinq strategiyalarının tətbiqi dropshippingin Azərbaycan bazarında uğurlu fəaliyyətini təmin edir.
Açar sözlər: elektron kommersiya, dropshipping, startap, Azərbaycan bazarı, logistika