DOI: https://doi.org/10.36719/2789-6919/52/61-73
Həcər Abdullayeva
Azərbaycan Respublikasının Prezidenti yanında
Dövlət İdarəçilik Akademiyası
https://orcid.org/0009-0007-1987-1761
aa_hecer@yahoo.com
Elektron xəbər başlıqlarında qeyri-səlis məna yaradan
leksik-semantik kateqoriyaların təhlili
Xülasə
Bu məqalədə elektron kütləvi xəbər portallarında yayımlanan xəbər başlıqlarında tez-tez təsadüf olunan qeyri-səlis məna yaradan leksik-semantik kateqoriyalar semasioloji, kontekstual və qeyri-səlis məntiqə əsaslanan üsullar əsasında təhlil olunur. Təqdiqatın əsas məqsədi aparıcı elektron KİV-lərdə qeyri-səlis mənanın yaranmasına səbəb olan leksik-semantik kateqoriyaların kontekst daxilində işlənmə tezliyini müəyyən etmək, fərqli mənalar ifadə etməsini araşdırmaq və bu cür dil vahidlərinin istifadəsinin informasiyanın oxucu tərəfindən qəbuluna və ümumilikdə cəmiyyətdə hər hansı bir məsələ haqqında ictimai rəy və fikrin formalaşmasına necə təsir etməsini araşdırmaqdır. Əldə olunan nəticələr elektron xəbər mənbələrində, xüsusilə başlıqlarda, leksik-semantik vahidlərin seçiminin vacibliyini nəzərə çatdırmaqla ictimai şüurun düzgün istiqamətdə formalaşmasında dildən daha səmərəli istifadəni təşviq edə bilər.
Açar sözlər: qeyri-səlis məna, leksik-semantik kateqoriyalar, diskurs təhlili, elektron KİV, xəbər başlıqları, leksik qeyri-müəyyənlik, media diskursu, qeyri-səlis məntiq, elektron xəbər mənbələri