DOI: https://doi.org/10.36719/2663-4619/115/310-318
Sevinc Babayeva
Azərbaycan Dövlət Neft və Sənaye Universiteti
texnika üzrə fəlsəfə doktoru
https://orcid.org/0000-0002-9334-5483
babayeva_sevinc64@mail.ru
Günel Hüseyn
Azərbaycan Dövlət Neft və Sənaye Universiteti
magistrant
https://orcid.org/0009-0001-8291-7976
gunelhuseyn93@gmail.com
Kollektor tipli nasosların digər istilik sistemləri ilə müqayisəsi
Xülasə
Bu məqalədə fərdi yaşayış evləri üçün istilik təchizatı sistemlərinin seçimi zamanı ənənəvi istilik üsulları ilə istilik nasoslarının tətbiqi müqayisəli şəkildə təhlil olunur. Xüsusi diqqət kollektor tipli istilik nasoslarına yönəldilir, çünki bu qurğular yüksək enerji səmərəliliyi və ətraf mühitə minimal təsir göstərmə qabiliyyəti ilə seçilir. Məqalədə torpaq mənbəli kollektor tipli istilik nasoslarının iş prinsipi və texniki xüsusiyyətləri ətraflı təsvir olunur.
Həmçinin bu istilik sistemləri ənənəvi qaz qazanları ilə müqayisə edilir. Müqayisə istismar xərcləri və uzunmüddətli iqtisadi səmərəlilik aspektlərini əhatə edir. Nəticələr göstərir ki, kollektor tipli istilik nasosları yüksək ilkin investisiya tələb etsə də, uzun müddətdə enerji xərclərinə qənaət və ekoloji üstünlüklər təmin edir.
Bundan əlavə, məqalədə istilik sistemlərinin ətraf mühitə təsiri də təhlil edilir. Kollektor tipli istilik nasosları, aşağı karbon emissiyaları və bərpa olunan enerji mənbələrinin istifadəsi imkanlarına görə, ekoloji cəhətdən ən təmiz variant kimi təqdim olunur. Burada istilik sistemi seçimi zamanı texniki xüsusiyyətlər, iqtisadi faydalar və ekoloji meyarlara əsaslanan kompleks yanaşmanın vacibliyi vurğulanır.
Açar sözlər: kollektor tipli istilik nasosları, enerji səmərəliliyi, ekoloji təsir, istilik sistemləri, iqtisadi səmərəlilik