DOI: https://doi.org/10.36719/2663-4619/121/108-111
Səbuhi Həşimov
Heydər Əliyev adına Hərbi İnstitut
https://orcid.org/0009-0003-2982-7220
sebuhiheshimov83@mail.ru
Müasir idarə olunan raket sistemləri və onların tətbiq sahələri
Xülasə
Müasir texnologiyaların inkişafı hərb sahəsindən də yan keçməmiş, idarə olunan raket sistemlərinin yaranması və geniş tətbiqi ilə nəticələnmişdir. Bu sistemlər müasir döyüş meydanında yüksək dəqiqlik, uzaq məsafədən hədəfə zərbə endirmə qabiliyyəti və çoxşaxəli tətbiq sahələri ilə fərqlənir və dost qüvvələrin şəxsi heyətinin itkilərinin minimuma endirilməsinə xidmət edir. İdarə olunan raket silahları müxtəlif növ döyüş əməliyyatlarında hücum və müdafiə, texnikaların və canlı qüvvənin məhv edilməsi, strateji hədəflərin vurulması və hava hücumlarından qorunma məqsədilə istifadə olunur. Müxtəlif ölkələr tərəfindən istehsal edilən bu sistemlər müasir hərbi strategiyanın ayrılmaz hissəsinə çevrilmişdir. Bu məqalədə idarə olunan raket sistemlərinin növləri, texnoloji xüsusiyyətləri və onların tətbiq sahələri ətraflı şəkildə təhlil ediləcəkdir. Qeyd olunan raket silahları müasir orduların əsas elementlərindəndir və müxtəlif hərbi əməliyyatlarda geniş tətbiq olunur. Bu silahlar hədəfə dəqiq zərbə endirmək üçün hazırlanır və bir çox fərqli növdə mövcuddur. Son illərdə Azərbaycan ordusunun silah arsenalına bu sistemlərin bir çoxu əlavə olunmuşdur.
Açar sözlər: idarə olunan, raket, tətbiq sahələri, hava, yer