Müasir mərhələdə biznes infrastrukturunun
formalaşmasında investisiyaların
rolu və inkişaf istiqamətləri
Salatın Dəmirova 
Xülasə. Müasir mərhələdə biznes infrastrukturunun formalaşması ölkənin iqtisadi inkişafında mühüm rol oynayan əsas amillərdən biridir. Biznes infrastrukturu nəqliyyat, logistika, enerji, maliyyə-bank xidmətləri, sənaye parkları, texnoparklar, informasiya-kommunikasiya sistemləri və sahibkarlığa dəstək mexanizmlərini əhatə edir. Bu sahələrin inkişafı investisiyaların cəlb olunması ilə birbaşa bağlıdır. İnvestisiyalar yeni istehsal sahələrinin yaradılmasına, mövcud müəssisələrin modernləşdirilməsinə, texnoloji yeniliklərin tətbiqinə və regionlarda iqtisadi fəallığın artırılmasına şərait yaradır. Tədqiqatda biznes infrastrukturunun inkişafında dövlət və özəl investisiyaların əhəmiyyəti, qeyri-neft sektoruna yönələn sərmayələrin rolu və sahibkarlıq mühitinin yaxşılaşdırılması məsələləri araşdırılır. Müasir dövrdə investisiya siyasətinin əsas istiqamətləri rəqəmsal infrastrukturun genişləndirilməsi, logistika imkanlarının artırılması, sənaye zonalarının inkişafı və innovativ sahibkarlığın dəstəklənməsi ilə bağlıdır. Nəticə etibarilə, investisiyaların səmərəli yönəldilməsi biznes mühitinin rəqabət qabiliyyətini yüksəldir, yeni iş yerlərinin açılmasına kömək edir və davamlı iqtisadi inkişaf üçün möhkəm əsas yaradır.
Açar sözlər: biznes infrastrukturu, investisiya, investisiya mühiti, sahibkarlıq, iqtisadi inkişaf, qeyri-neft sektoru