DOI: https://doi.org/10.36719/2789-6919/44/157-160
Kəmalə Əsgərova
Cənub Qaz Dəhlizi QSC
https://orcid.org/0009-0003-1643-1120
kamyaskerova@yahoo.com
Müasir strateji planlaşdırma yanaşması: məqsədlərin balanslaşdırılmış performans
göstəriciləri ilə uyğunlaşdırılması
Xülasə
1980-ci illərdə artan qlobal rəqabət şəraitində strateji idarəetmə təşkilatların uzunmüddətli məqsədlərini müəyyənləşdirməsi və fəaliyyətlərini bu məqsədlərə uyğun şəkildə istiqamətləndirməsi üçün həyati əhəmiyyətli bir vasitə kimi meydana çıxdı. Bu yanaşma qərar qəbulunu dəstəkləmək və təşkilati uyğunluğu təmin etmək üçün dörd əsas elementi-vizyon, missiya, strategiya və fəaliyyət kimi elementləri özündə birləşdirir. Ənənəvi strateji planlaşdırmanın əsas problemləri geniş və ümumi missiya bəyanatlarının konkret, əməli məqsədlərə və layihələrə çevrilməsində çətinliklərin olmasıdır.
Bu problemi aradan qaldırmaq üçün Balanslaşdırılmış Performans İdarəetməsi, digər adı ilə Balanslaşdırılmış Göstəricilər Sistemi (Balanced Scorecard) strateji məqsədlərin müəyyənləşdirilməsi və izlənilməsi üçün hərtərəfli bir çərçivə təqdim edir. Bu model maliyyə göstəriciləri, müştəri məmnuniyyəti, daxili proseslər, öyrənmə və inkişaf olmaqla dörd qarşılıqlı əlaqəli ölçünü əhatə edir.
Yanaşma olaraq, təşkilatlara qısamüddətli nəticələrlə uzunmüddətli inkişaf arasında tarazlıq yaratmaq və performans sahələri üzrə səbəb-nəticə əlaqələrini qurmaq imkanı verir.
Məqalə balanslaşdırılmış performans ölçülərinin strateji planlaşdırma prosesinə daxil edilməsinin əhəmiyyətini vurğulayır və məlumatlara əsaslanan qərar qəbulunu, eləcə də davamlı təşkilati uğurun təmin edilməsini təşviq edir.
Açar sözlər: strateji idarəetmə, balanslaşdırılmış göstəricilər sistemi, strateji planlaşdırma, maliyyə göstəriciləri, performans göstəriciləri