https://doi.org/10.36719/2706-6185/43/80-84
Arzu İsayeva
Bakı Dövlət Universiteti
filologiya üzrə fəlsəfə doktoru
arzu.ahmadova@mail.ru
https://orcid.org/0000-0002-6032-3659
Publisistika tariximizin görkəmli tədqiqatçısı
Xülasə
Təqdim olunmuş məqalədə görkəmli tarixçi alim, mətbuat araşdırmaçısı, yaradıcılığında milli məfkurə məsələsini həmişə ön planda saxlayan professor Şirməmməd Hüseynovun tədqiqatlarında milli yaddaş və mənəvi irs problemləri təhlil olunur. Müəllif bu mövzunun ətraflı araşdırılması üçün tədqiqat obyekti kimi professor Ş. Hüseynovun görkəmli publisist Üzeyir Hacıbəyli haqqında tədqiqatlarını əsas götürür.
Məqalədə qeyd olunduğu kimi, bütün Şərq dünyasında ilk operanın müəllifi olan Üzeyir bəy Azərbaycan peşəkar musiqisinin banisi, xalqımızın və milli mənəviyyatımızın sarsılmaz sütunlarından biridir. Ü. Hacıbəyli təkcə ölməz musiqi əsərləri ilə deyil, həm də ədəbi yaradıcılığı və publisistik yazıları ilə də Azərbaycan xalqının ictimai fikir xəzinəsini zənginləşdirmişdir. Məqalədə qeyd olunduğu kimi, Ü. Hacıbəylinin XX əsrin əvvəllərindən başlayan qaynar ictimai fəaliyyəti, müxtəlif mətbu orqanlarda milli tərəqqiyə və ictimai oyanışa çağıran yazıları bir məşəl kimi xalqımızın dirçəliş yolunu işıqlandırmışdır. Buna görə də bəzi tədqiqatçılar Üzeyir Hacıbəylini “Azərbaycan xalqının dünya mədəniyyətinə bəxş etdiyi görkəmli ədəbi şəxsiyyət, xalqımızın iftixarı və XX əsrin qüdrətli sənətkarı” adlandırlar. Professor Ş. Hüseynov isə milli düşüncəyə verdiyi töhfələrə görə onu “milli müqəddəslər” siyahısında görür.
Açar sözlər: mətbuat, milli ideya, milli yaddaş, mənəvi irs, mətn, publisistika