DOI: https://doi.org/10.36719/2706-6185/48/168-171
Firdovsi Hüseynov
Azərbaycan Universiteti
magistrant
https://orcid.org/0009-0008-1429-9601
firdovsihuseynov02@gmail.com
Qarabağ regionunda turizmin inkişafına dövlət dəstəyinin istiqamətləri
Xülasə
Qarabağ regionunun azad olunmuş əraziləri bənzərsiz təbii və mədəni irsə malik olmaqla, turizm sektorunun inkişafı üçün geniş potensial daşıyır. Lakin postmünaqişə dövründə bu potensialın reallaşdırılması üçün dövlətin kompleks dəstək mexanizmləri mühüm əhəmiyyət kəsb edir. Məqalədə Qarabağda turizmin inkişafı məqsədilə dövlət tərəfindən həyata keçirilən prioritet siyasət istiqamətləri təhlil edilir, həmçinin səmərəli idarəetmə, infrastruktur təminatı və investisiya təşviqləri kimi əsas mexanizmlər araşdırılır.Qarabağ regionunun azad edilmiş əraziləri zəngin təbii-landşaft xüsusiyyətləri, unikal tarix-mədəni irsi və sağlamlıq turizmi imkanları ilə Azərbaycanın gələcək turizm inkişafında strateji mövqeyə malikdir. Region uzun illər ərzində işğal və münaqişə nəticəsində ciddi infrastruktur itkilərinə məruz qaldığından, turizmin inkişafı yalnız bazar mexanizmləri ilə deyil, kompleks dövlət müdaxiləsi və dəstəyi ilə mümkün ola bilər. Bu baxımdan dövlətin turizm sahəsində həyata keçirdiyi tədbirlər çoxistiqamətli və məqsədyönlü xarakter daşıyır.
Məqalədə Qarabağ regionunda turizmin inkişafına yönəlik dövlət siyasətinin əsas istiqamətləri – nəqliyyat və sosial infrastrukturun bərpası, investisiya təşviqləri, tarix-mədəniyyət abidələrinin qorunması və innovativ texnologiyaların tətbiqi – geniş təhlil edilir. Eyni zamanda, dövlət və özəl sektor arasında qarşılıqlı tərəfdaşlıq modeli, yerli əhalinin turizm fəaliyyətlərinə cəlb olunması və regionun beynəlxalq turizm bazarına inteqrasiyası kimi mexanizmlər də araşdırma predmetinə çevrilir.
Aparılan təhlillər göstərir ki, Qarabağ regionunun turizm potensialından tam səmərə ilə istifadə yalnız kompleks yanaşma, strateji planlaşdırma və davamlı dövlət dəstəyi ilə reallaşa bilər. Məqalə nəticə etibarilə göstərir ki, postmünaqişə dövründə dövlət siyasətinin əsas hədəfi Qarabağda təhlükəsiz, innovativ və dayanıqlı turizm modelinin formalaşdırılmasıdır.
Açar sözlər: Qarabağ, turizm siyasəti, dövlət dəstəyi, infrastrukturlar, mədəni irs, münaqişədən sonrakı inkişaf, regional iqtisadiyyat