https://doi.org/10.36719/2706-6185/43/105-113
Nurşərəf Tağıyeva
Bakı Dövlət Universiteti
doktorant
nurseref.yahyazade@gmail.com
https://orcid.org/0000-0001-8464-3940
VR və AR texnologiyaların mediada istifadəsi və Azərbaycan internet mediasında mövcud vəziyyətin təhlili
Xülasə
Müasir dövrdə medianın inkişafına, jurnalist fəaliyyətinin asanlaşmasına, eləcə də auditoriya marağının toplanmasına təsir edən başlıca amillərdən biri texnoloji yeniliklərin tətbiq olunmasıdır. Bu yeniliklərin tətbiq olunması həm hazırlanmış materiala, həm də jurnalistə müəyyən imkanlar yarada bilər. Belə ki, texnoloji yeniliklərdən istifadə edərək hazırlanmış materiallar həm daha sürətli ərsəyə gəldiyi üçün vaxta qənaət etməyə, həm də fərqli baxış bucağı yaratdığı üçün maraq oyatmağa imkan verir. Buna nümunə olaraq, chat gpt, VR və AR, eləcə də digər süni intellekt məhsullarını qeyd edə bilərik. Məsələn, VR və AR texnologiyaları ilə hazırlanmış materialların daha maraqlı, fərqli və canlı olmasına şərait yaradır.
Bəzən isə bu cür texnologiyaların istifadəsi çalışanlara yuxarıda qeyd etdiyimiz imkanları yaratmaqla yanaşı, jurnalistikanın özünə də fərqli anlayışlar gətirir, yeni janrın və ya formatın yaranmasına səbəb olur.
Dünya media sisteminin bir hissəsi olan Azərbaycan mediasında da qeyd olunan bu trendlərin istifadəsi maraq doğurur. Bu texnoloji yeniliklərin fəaliyyətdə istifadəsinin nə dərəcədə populyar olması, media mənsublarının bu texnoloji trendlərdən istifadə bacarığı, tətbiq olunan yeniliklərin faydalılıq dərəcəsini araşdırmaq məqalənin əsas məzmununu təşkil edir. Eləcə də, Azərbaycan üçün yeni olan, ümumilikdə isə çox geniş yayılmamış olan immersiv jurnalistika terminin formalaşması və bu gün Azərbaycandakı vəziyyəti də məqalədə işıqlandırılan məsələlər sırasındadır.
Beləliklə, bu məqalədə günümüzün texnoloji trendi olan VR və AR texnologiyalarının istifadəsindən, immersiv jurnalistika anlayışının yaranmasındakı rolundan və bu formatın inkişafından, eləcə də qeyd olunan yeniliklərin Azərbaycan mediasındakı tətbiqindəki problemlərdən və bu problemlərin səbəblərindən bəhs edəcəyik.
Açar sözlər: VR, AR, süni intellekt, immersiv, jurnalistika, chat gpt