DOI: https://doi.org/10.36719/2789-6919/52/49-53
Şükufə Xankişiyeva
Azərbaycan Dövlət Pedaqoji Universitetinin nəzdində
Azərbaycan Dövlət Pedaqoji Kolleci
psixologiya üzrə fəlsəfə doktoru
https://orcid.org/0009-0008-8125-2838
shukufa.kh63@mail.ru
Məlahət Rəhimova
Azərbaycan Dövlət Pedaqoji Universitetinin nəzdində
Azərbaycan Dövlət Pedaqoji Kolleci
https://orcid.org/0009-0005-2118-2952
malahatrahimova@mail.ru
Yeniyetmələrin idrak fəaliyyətinin hərəkətverici
qüvvəsi kimi maraqlar
Xülasə
Yeniyetmələrin idrak fəallığının əsasında duran ən mühüm amillərdən biri maraqlardır. Maraqların inkişaf dinamikası çoxsaylı amillərdən asılıdır. Bu amillər həm psixoloji, həm pedaqoji, həm də sosial mənşəli olub təlim fəaliyyətində üzə çıxır. Məqalədə yeniyetmə maraqlarının bu xüsusiyyətlərindən və onların inkişaf şərtlərindən bəhs olunur.
Yeniyetmələrin idrak fəaliyyəti onların iştirakçısı olduqları tədris prosesində qurulur. Tədris pro-sesindəki fəallıq şagirdlərin fənnə, müəllimə, bütövlükdə təlim situasiyasına marağı ilə şərtlənir. Təlim maraqları son nəticədə özünü idrak motivasiyasında və idrak maraqlarında göstərir.
Uşaqlıq və yeniyetməlik dövründə maraqların formalaşması problemləri bir çox tədqiqatlarda öyrənilmişdir. Hazırda yeniyetmənin maraqları daha geniş mənada – yeniyetmənin sosiallaşmasının və şəxsiyyətinin formalaşmasının vacib tərəfləri kimi öyrənilir.
Açar sözlər: idrak, uşaqlıq dövrü, yeniyetmələrin maraqları, tədris prosesi, fəallıq