DOI: https://doi.org/10.36719/2706-6185/46/310-313
Pərvin Həsənova
Azərbaycan Dillər Universiteti
https://orcid.org/0009-0006-1234-4160
prvinhsnova4@.gmail.com
Virciniya Vulfun estetik baxışlarının formalaşmasında
rus ədəbi mühitinin təsiri
Xülasə
Məqalədə, XX əsr ingilis ədəbiyyatının görkəmli nümayəndəsi Virciniya Vulfun estetik baxışları və rus yazıçılarının onun ədəbi üslubuna və fəlsəfi dünyagörüşünə təsiri məsələsi araşdırılır. Onun əsərlərində şüur axını texnikası və psixoloji dərinliklə xarakterizə olunan Vulfun modernist yanaşması rus ədəbiyyatı ilə tanışlığından təsirlənmişdir. O, F. Dostoyevski, A. Çexov, L. Tolstoyun əsərlərini dərin maraqla oxumuş, onların introspektiv obraz yaratma üsulları, qeyri-ənənəvi narrativ texnikaları və bədii baxışları ilə səsləşmişdir. Vulfun bədii-estetik fikrində rus ədəbi nümunələrinin emosional intensivliyi və ekzistensial dərinliyi ilə bağlı heyranlığı əks etdirilir ki, bu da roman janrının inkişafında yeni perspektivlər açmışdır. Bu aspektdə V. Vulfun yaradıcılığı hələ də xüsusi tədqiqat obyekti olmayıb. Məqalədə bu təsirin əsas aspektləri təhlil edilir və Virciniya Vulfun eksperimental nəsrində rus ədəbiyyatının prinsiplərinin necə özünü göstərdiyi vurğulanır.
Açar sözlər: Virciniya Vulf, modernizm, rus ədəbiyyatı, estetik baxışlar, şüur axını