Tağıyeva Şəhla İbrahim qızı
Azərbaycan Dövlət Rəssamlıq Akademiyası

MƏŞHUR TEATR BİNALARININ TARİXİNDƏN

Açar sözlər: teatr,memarlıq,milan, tarix, üslublar, binalar
Key words: theater, architecture, milan, history, styles
Ключевые слова: театр, архитектура, милан, история, стили

Mədəniyyətin əsas və maraqlı sahələrdən biri də teatr sənətidir.Özündə bir çox sahələri birləşdirən teatr,hələ qədim dövrlərdən insanların həyatına nüfuz etmişdir.Onlar müxtəlif ritualları həyata keçirmək üçün səhnəciklər hazırlayırdılar.Deməli,insanın teatra hər zaman ehtiyyacı olmuşdur.Zaman keçdikcə teatra olan maraq artmış və artıq bu cür geniş həcmli səhnələrin təşkili üçün geniş və qapalı məkanlara ehtiyyac duyulmuşdur.Bu işin həyata keçirilməsi əlbəttə ki,bilavasitə memarlığın üzərinə düşürdü.Teatrın baş tutması üçün əlverişli memarlıq quruluşunun işlənib hazırlanması ilə memarlar məşğul olmuşlar.Bu gün dünyada saymaqla bitməyəcək qədər teatr binaları mövcuddur.Bu, qədim teatrlardan tutmuş, müasir tikililərə qədər ola bilər.Ancaq, aralarında elə teatr binaları var ki, məhz teatr binası deyərkən ağıla ilk həmin şedevrlər gəlir.Bu məqalədə də elə həmin teatr binalarından,yaranma tarixindən,memarlıq üslubundan yazacam.